اسكريبت كامل بقلم إيمان شلبي

بخير 
الحمد لله تقدر تتفضل مش عايزه اعطلك اكتر من كده 
مفيش عطله ولا حاجه
الفون بتاعي رن 
بصيت جنبي مكانش موجود 
لاقيته بيخرجه من جيب الجاكيت بتاعه وبيمدلي أيده
وقع منك وانتي بتقعي
اخدته منه ومن غير قصد ايدي لمست أيده
حسيت بكهربا وجسمي كله اتنفض 
كانت ماما 
رديت وانا بحاول مبينش اني تعبانه
الو 
انتي فين يا هانيا كل ده؟
ا احم في الشغل
شغل ايه نديم قال انك مشيتي من بدري
رديت بصدمه 
نعم هو نديم كلمك؟
نديم هنا عندنا قاعد مع ابوكي
قاعد مع بابا ليه بقي أن شاء الله
ردت ماما بهمس 
عايز يرجع
لا طبعاً مش موافقه 
هانيا ياحبيبتي الولد فعلاً بيحبك وبعدين مش يمكن يتغير و......
قاطعتها بعصبيه 
بيحبني ايه ياماما ده خاطب!
نعم خاطب ازاي يعني 
زي ما بقولك كده خاطب وعايز يرجعلي عشان يكسر عيني عشان هو صعبان عليه أن انا اللي سيبته
انتي متاكده من الكلام ده؟
ايوه
ردت بغيظ 
ده انا هطلع حالا اخلي ابوكي يمسح بكرامته الأرض 
لا استني انا خمس دقايق واكون عندك محتاجه اخد حقي
قفلت الفون وبصيت لمُراد اللي كان بيراقب الحوار بصمه وهدوء
ممكن تناديلي اي ممرضه تيجي تشيل المحلول ده
بس هو لسه مخلصش 
انا لازم امشي حالاً يامراد 
ليه 
ارجوك خلي حد يشيلي المحلول الاول وهحكيلك في الطريق
خرج وجابلي مُمرضه 
شالتلي المحلول وخرجنا من المستشفي 
وقفلي تاكسي وركبني وهو فضل واقف
بصيتله من الشباك وانا بسأله
مش هتركب؟
هتطمن عليكي في الفون
هزيت راسي بابتسامه بسيطه وانا بقوله 
شكراً تعبتك معايا 
حمد لله علي سلامتك وخلي بالك من نفسك 
ان شاء الله 
وصلت البيت 
مكانش نديم موجود
مقدرتش ماما تستني لما اوصل ومسحت بكرامته البلاط هي وبابا!
اترميت في حُضنها 
عيطت بحرقه 
خرجت كل الطاقه السلبيه اللي جوايا 
طبطبت عليا 
ومسحت دموعي 
حطت ايديها فوق قلبي وهي بتقولي 
القلب الجميل ده اتخلق علشان يحب شخص علي مقاسه بالملي!
وقلب نديم مكانش هو اللي يستاهل قلبك 
قلب نديم اسود 
وناشف زي الحجر 
مينفعش مع قلب برقه وجمال قلبك يا هانيا 
انسي ياحبيبتي 
وعيشي حياتك 
وجربي تفتحي قلبك لشخص يستاهل 
تجربه وفشلت 
لكن علمتك ازاي تحافظي علي قلبك ومشاعرك
انتي غاليه يابنتي والغالي يستاهل الغالي
كان كلامها منطقي تماماً
طبطب علي قلبي 
فوقني 
خلاني اقوي 
خلاني احس بقيمه نفسي
خرجت من حُضنها وانا احسن 
وكأن حُضنها دوا 
بيشفي جروح قلبي
دخلت اوضتي 
اترميت علي السرير 
لسه هغمض عيوني 
فوني رن
كان رقم غريب 
رديت بتعب 
كان مُراد
عامله ايه 
الحمد لله يا مراد انا بخير 
بقيتي احسن
سكت شويه وفجأه سألته بقله ذوق
انت جبت رقمي منين 
مصادر خاصه
رديت بضيق
تمام شكراً علي اللي عملته وياريت لو سمحت متتصلش تاني
هانيا 
نعم!
احب اقولك أن انتي قليله الذوق
شهقت بصدمه ولسه هرد كان قفل في وشي
ضغطت علي اسناني بغيظ وانا بهمس 
بقي انا قليله الذوق يابني آدم براس بخاخه 
فات يومين 
كانت الامتحانات علي ابواب 
كنت بحاول اشغل نفسي في الشغل بقدر الإمكان 
بالرغم من تعبي إلا أني مستسلمتش 
وفي يوم كنت قاعده في السنتر مستنيه الطلاب 
خرج مُراد من الحصه
اتوترت 
مسكت الفون وحطيت وشي جواه
جه قعد في الكُرسي اللي جنبي وسكت
اتفضلي
رفعت عيوني باستغراب لاقيته بيمدلي أيده بورقه
ايه ده؟
روشته الدكتور كان كاتبهالك يوم ما كنتي في المستشفي
لسه معاك لحد دلوقتي؟
رد بلا مبالاه 
كانت في الجاكيت لسه واخد بالي منها قولت يمكن تفيدك
اخدتها منه ورديت بهمس 
شكراً 
مردش عليا 
اكتفي بأنه يهزلي راسه 
وقام من مكانه خرج برا
بصيت لأثره وانا بهمس بغيظ
قليل الذوق 
خلصت الامتحانات 
وبدأنا الاجازه 
اللي كانت مُمله بس احمل ما فيها تجهيزات فرح اعز اصحابي 
وش الخير عليا 
رغد صاحبتي
يوم الفرح 
جهزت
وقفت قدام المرايا أتأمل شكلي للمره اللي معرفش عددها كام!
كان شكلي جميل
رقيق
عيوني تخطف القلب والعقل 
ملامحي بيرفيكت
وفستاني خطير 
وكأنه متفصل عليا بالمقاس
العريس وصل 
ركبت رغد 
وفضلت انا واقفه محتاره اركب فين 
معرفش حد 
كلهم أصحاب العريس
واقفه لوحدك ليه
بصيت لمصدر الصوت 
كان مُراد
رديت بتوتر 
هركب فين؟
فتحلي الباب وبصلي 
اترددت وبصيت حوليا بتوتر
مش هخطفك كده كده رايح الفرح!
هو العريس صاحبك
مش مُدرس زينا؟! 
اذا صاحبي
ركبت جنبه من غير ما انطق حرف 
كان لابس بدله كحلي 
وقميص ابيض 
وكوتشي ابيض 
ورافع شعره لفوق
اما عن ريحه البرفيوم بتاعته اقتحمت قلبي!
طول الطريق موجهليش ولا كلمه
وصلنا قدام القاعه 
شكرته ونزلت 
دخلت
ولاني بتوتر وعندي رهاب اجتماعي 
روحت قعدت في رُكن بعيد 
وفتحت الفون 
كان في شخص من اول ما دخلت عيونه متشالتش من عليا 
لمحته بطرف عيوني لكن مقدرتش احدد ملامحه بالتفصيل!
جميل
رفعت عيوني باستغراب لمصدر الصوت 
كان هو الشخص اللي مراقبني من وقت ما دخلت
رفعت حاجبي ورديت بجديه
افندم؟
سحب كُرسي وقعد قدامي بكل جراءه
مستر سامح مدرس علوم عندي ٤٥ سنه و.....
طالما مسألتش إذاً ميخصنيش اعرف انت مين 
ولو سمحت اتفضل من هنا
رفع حاجبه بسخريه
محترمه بقي وكده!
مفيش بنت محترمه في الزمن ده
مستر سامح مس هانيا مخطوبه لمُدرس زميلنا
قالها شخص من ورايا 
عرفته من صوته 
لفيت 
كان واقف
وحاطط أيده الاتنين في جيوبه 
ورافع حاجبه بضيق
رد سامح بأحراج 
انا اسف عن اذنك
رفعت عيوني في عيونه 
كان بيبصلي بعصبيه وغيظ 
وكأني عملت جريمه
قولتله ليه اني مخطوبه؟
مكانش هيسيبك في حالك وهيفضل يضايقك
قالها بنبره حاده وهو بيجز فوق اسنانه
هزيت راسي بتفاهم وانا برد بهدوء وبرود 
تمام شكراً 
وهو متداري افضل بكتير 
رديت بأستغراب
هو ايه 
شعرك بلاش عشان يوم تاخدي ذنوب
قال جملته 
مستناش ردي ومشي من قدامي 
راح قعد علي ترابيزه كانت عليها شباب كتير كلهم مُدرسين!
قومت وقفت شويه مع رغد 
بعدها رجعت لمكاني 
جه قعد قدامي وهو بيبصلي بغضب
في ايه 
ياريت تداري شعرك
سندت خدي فوق كفي وانا برد ببرود 
وده يخصك في ايه
قرب وشه من وشي وهو بيبص جوا عيوني بعمق
اني بحبك
اتوترت ووشي احمر زي الفراولايه!
كنت هقوم امشي بس مسك ايدي
هانيا تتجوزيني؟
نفضت ايدي من ايده وانا ببصله بغيظ
سبق وقولتلك انا مش كوبري عشان تنتقم من نديم
لو كنت عايز اعمل كده كنت روحت خطبت البنت بعد ما سابته
هُما سابوا بعض
هي اللي سابته 
ليه
هز أكتافه بجهل 
معرفش بس انا كان قدامي فرصه اروح اخطبها واحرق قلبه
ومعملتش كده ليه 
لاني ببساطه اكتشفت اني مكنتش بحبها كان مجرد اعجاب وراح لحاله اول ما انتي ظهرتي
مش جايز يكون شعورك من نحيتي برضو مجرد اعجاب
هز رأسه بنفي 
معتقدش 
بتحبني ليه واحنا مفيش ما بينا اي موقف تحبني علشانه
بحبك علشان مُختلفه عن كل البنات اللي قابلتهم 
مختلفه ازاي ؟
سكت لحظه بيجمع أفكاره والكلام اللي هيقوله 
ابتسم وهو بيبص في عيوني وبمشاعر كلها صدق قالي
مختلفه في كل حاجه 
قويه جدا 
بس ضعيفه من جواكي
ناجحه وطموحه 
جواكي مشاعر كتير حلوه 
لكن بتداريها لانك خايفه تقابلي شخص زي نديم مره تانيه
ضحكتك 
عيونك 
ملامحك عموماً 
تخطف اي شاب 
وخاصه انا 
فهل تقبلي تتجوزيني
هتحافظ علي قلبي 
وعد مني مش هفرط في قلبك
وقصاد نظراته 
وقصاد قلبي اللي محتاج احتواء 
أعلنت الخضوع 
وهزيت راسي بكل استسلام 
امنتله
رفعت الرايا البيضا 
وسلمتله قلبي ونفسي 
وفي الحقيقه كان قد الثقه 
كان مختلف 
حنين 
رقيق 
متفاهم 
كل العيوب اللي كان نديم بيحاول يخليني اصلحها 
كان مُراد شايفها ميزه 
اتقبل عيوبي قبل مميزاتي 
حبني بدون شروط 
وقدر يحافظ علي قلبي
دور على حد يكون شبهك 
دور على حد يكون منك 
دور على حد يكون زيك 
في الطبع وأكتر في المضمون 
انسان لو كل العالم باع 
يفضل هو مكمل بيصون 
محمد_سعد
شبيه_قلبي
إيمان_شلبي