اسكريبت كامل بقلم إيمان شلبي

كلمته ونزلنا شغل وقدرنا نثبت نفسنا عن جداره!
مكنتش متخيله اني هنجح بالشكل ده 
كنت خايفه وقلقانه من فكره الفشل 
وخاصه انها نفس الماده اللي نديم بيدرسها
لكن خوضت التجربه ونجحت فيها 
وبسبب شُغلي وبسبب مجهودي 
بدأت اشتغل في اكتر من سنتر
كنت عارفه ومتأكده أنه بيشوف نجاحي 
كنت عارفه أنه هيجي يوم ويندم أنه ضيعني من أيده 
وأنه اكيد هيحاول يرجع 
لكن خلاص فات الاوان 
مبقتش افكر فيه 
مبقتش احبه 
ومبقتش عايزاه!
بعد مرو سنه
عامله ايه
جاتلي ماسدج علي واتساب 
كانت من نديم 
فتحتها ورديت وانا بشرب قهوه بكل برود 
وبقلب فارغ من مشاعر زمان
الحمد لله مين؟
مش مسجله رقمي 
لا والله مسحت كل الارقام اللي ملهاش لازمه من عندي
قصدك ايه أن انا مليش لازمه 
عايز ايه يا نديم 
ممكن نتقابل بعد اذنك 
لا مش ممكن
عايز اتكلم معاكي في موضوع مُهم
اسفه معنديش وقت 
ممكن نتكلم هنا لو تحب
هانيا انا اسف 
علي ايه!
اسف علي كل حاجه عملتها فيكي زمان 
انا بحبك وعايز ارجعلك
بعتله ايموشن ضحك كتير ورديت بأستفزاز
نرجع؟ 
النمره غلط يا عماد
صدقيني يا هانيا انا اتغيرت
اخدت نفس عميق ورديت بملل 
نديم ارجوك لو سمحت انا ما صدقت حياتي اتحسنت وشميت نفسي مترجعش تعكر شويه الهوا اللي حوليا واختفي من حياتي للابد لاني بجد مبقتش عايزاك
انتهت المراقبه ،انتهت اخر ذره من المشاعر وعليك السلام وكأنك لم تكن يانديم!
كتبتها وعملتله بلوك فوراً 
اخدت نفس عميق 
ابتسمت براحه 
وقومت وقفت وانا بفرد دراعاتي بفرحه ملهاش مثيل 
أخيراً اتخلصت من مشاعري 
أخيراً فوقت 
واخيرا قلبي اتحرر من حُبه
في يوم كنت واقفه بشرح في الحصه
الباب خبط 
كانت السكرتيره واقفه وفي ايديها بوكيه ورد
ضميت حواجبي في بعض باستغراب 
الورد ده ليا
هزت راسها بابتسامه متحمسه
اه 
مين اللي باعته؟!
هزت أكتافها بحيره 
معرفش انا لاقيت طالب بيقولي في حد باعت الورد ده لميس هانيا
اخدته منها وشكرتها بأحراج وتوتر 
خرجت 
بصيت للطلاب كانوا بيبصولي بحماس طفولي وفرحه
يالا ياميس افتحي الكارت خلينا نشوف مين
رديت بذهول 
كارت ايه هو في كارت
شاورتلي عليه ببراءه 
في الحقيقه مكنتش واخده بالي منه خالص
فتحته كان مكتوب جواه كلام قدرت اتعرف علي صاحبه
من خطه
انا اسف حقيقي اسف ارجوكي ارجعيلي انا مش قادر اكمل حياتي من غيرك يا هانيا
اخدت نفس عميق وانا بكرمش الكارت بين كفوفي وبهبد البوكيه علي الديسك اللي قدامي
ها ياميس طلب منك الجواز؟
هو مين 
صاحب البوكيه
رديت بجديه 
يالا نكمل الحصه 
ايوه بس.....
قاطعتها بحده 
ريماس بطلي لماضه ويالا نكمل الحصه
كملت الحصه وبعد ما خلصت خرجت 
كان انس صاحب السنتر قاعد ورا مكتبه 
وقدامه نديم
اخدت نفس عميق وحاولت اتجاهل وجوده 
كان في باسكيت،جنب نديم 
قربت منه ورميت البوكيه جواه وانا ببصله بأشمئزاز
انس بذهول 
ايه ده بترمي الورد ليه؟
رديت بابتسامه مستفزه 
اصله من شخص ملهوش لازمه
قولت كلامي وروحت قعدت علي كُرسي بعيد في انتظار الطلاب تتجمع علشان نبدا حصه جديده
ميس هانيا قاعده بعيد ليه
قالها انس فرفعت راسي من علي الفون وبصتله 
عادي يا استاذ انس مستنيه الطُلاب
طب ممكن تيجي لحظه في موضوع مُهم
اخدت نفس عميق وانا بقوم من مكاني وروحت قعدت قصاده بكل ثبات وبرود
اعرفك استاذ نديم هيشتغل معانا هنا مُدرس ثانوي
رديت من غير ما ابصله 
اهلاً
انس وهو بيشاور عليا 
اعرفك يا استاذ نديم ميس هانيا من اشطر واحسن المدرسين اللي في السنتر
رديت بابتسامه لطيفه 
ربنا يخليك يارب ده من ذوقك
رد وهو بيجز فوق اسنانه بغيره 
ازيك يا مس 
بخير 
طنط عامله ايه
رد انس بأستغراب
ايه ده هو انتوا تعرفوا بعض
رد بابتسامه خبيثه وهو بيبصلي 
ميس هانيا كانت....
قاطعته بسرعه 
كان معايا في الكليه بس مسبقش وكان لينا تعامل مع بعض!
يعني انتي مكنتيش خطيبتي مثلاً!
جزيت علي اسناني وقومت هبدت علي المكتب 
انت عايز مني ايه يا نديم؟!
هز أكتافه بلا مبالاه 
انتي ليه مش عايزه تعترفي انك لسه بتحبيني
لاني فعلاً مبقتش بحبك!
قرب مني خطوه فرجعت لورا بتوتر 
بص في عيوني بابتسامه كلها برود وسخريه
عيونك اللي بتبص لكل مكان بتأكد انك لسه بتحبيني 
انا اعرفك يمكن اكتر منك يا هانيا 
كل تفاصيلك ،كل كلامك ،كل أفعالك حافظهم بالحرف
بصيت حوليا كان في مُدرسين وطُلاب كتير مراقبين اللي بيحصل في صمت وفضول
زقيته من قدامي وطلعت اجري برا السنتر وانا مش شايفه قدامي من كُتر الدموع!
مكنتش قادره افهم هو عايز مني ايه 
هو للدرجادي في أشخاص مؤذيه بالشكل ده 
بعد ما فوقت 
بعد ما فكرت نفسي اتعافيت 
وبعد ما نجحت في شغلي 
يظهر هو وفي لمح البصر
كل شئ يتهد!
روحت قعدت في اقرب كافيه قابلني 
اخدت نفس عميق ومسحت دموعي 
طلبت قهوه ساده ورجعت لشرودي وحيرتي
تسمحيلي اقعد
رفعت راسي لمصدر الصوت 
كان مُدرس بيشتغل معايا 
متكلمناش ولا مره إطلاقاً
بلعت ريقي وانا بشاورله بتوتر 
اتفضل
شكراً
سحب كُرسي وقعد قدامي وانا ببصله بفضول واستغراب
شخص اناني اوي نديم مش كده؟
انت تعرفه؟
هز رأسه بابتسامه كلها سخريه 
كان صاحبي 
كان!
بعد اللي عمله معايا قطعت علاقتي بيه 
وهو عمل ايه
ولا حاجه راح خطب البنت اللي بحبها بس
رديت بذهول 
نعم يعني هو خاطب دلوقتي
اه 
اومال اومال ليه......
عايز يكسر عينك مش عايز يرجعلك علشان بيحبك 
وانت عرفت منين 
بقولك كان صاحبي يا مس هانيا 
وهو لما راح يخطب البنت اللي بتحبها كان عارف ولا صدفه
ابتسم ابتسامه باهته وهو بيبص قدامه 
مكنتش حاكي لحد غيره
وانت ليه مروحتش خطبتها طالما بتحبها 
كان عندي شويه مشاكل كنت مستني تتحل بس هو سبقني وراح خطبها
طب وهي؟
هي ايه؟
كانت عارفه انك بتحبها
هز رأسه بنفي وهو بيتنهد
لا 
ليه مقولتلهاش مش يمكن كانت استنتك!
خوفت اعشمها ومقدرش اوفي بوعدي
سكت بتأثير وهو كمان سكت شويه بعدها قالي 
كان بيحكيلي عنك كتير
رديت بذهول
عني انا؟
من وقت ما كنتوا اصدقاء 
كنتي اقرب صديقه لقلبه 
او بمعني تاني 
الصديقه الهبله
رديت بعصبيه وانا برفع حاجبي 
نعم هبله!
انا اسف بس هو اللي كان بيقولي كده 
انتي بالنسباله كنتي استبن 
اكتر بنت بتستحمله 
اكتر بنت بتحبه بدون مقابل 
واكتر بنت بتشجعه بالرغم أن كل اللي حواليه شايفين أنه فاشل!
انتي عمرك ما سألتي نفسك هو ليه كل مره كان بيرجعلك
رديت والدموع بتلمع فى عيني 
كنت فاكره أنه بيحبني!
هز رأسه بنفي وابتسامه كلها سخريه 
نديم عُمره ما حبك هو بس كان بيحس بقيمته في وجودك ،نديم اناني فوق ما تتخيلي ،يحب ياخد وميديش مُقابل، حتي الحاحه الفظيع ده علشان يرجعلك مش علشان بيحبك
هزيت راسي بتأكييد
عارفه 
بقولك ايه 
قول
تيجي نتجوز
افندم!
والله بتكلم بجد 
ايه رايك لو نتجوز
ضحكت بذهول وانا بقوم من مكاني 
لا انت شكلك مجنون رسمي 
لسه بتحبيه!
لا طبعاً
اومال ليه مش عايزه تاخدي طلبي علي محمل الجد
لاني ببساطه معرفش عنك حاجه ده اولاً
ثانيا بقي طلبك ده معناه انك عايز تردله اللي عمله فيك علي حسابي وانا مش هسمحلك ولا هسمحله اني اكون كوبري انتقام يا استاذ مُراد
قام وقف 
قفل زرار البدله بتاعته بكل وقار
طلع الحساب وحطه علي التربيزه 
ومشي من غير ما ينطق حرف زياده
أما عني اخدت نفس بكل بُطئ 
مسحت الباقي من دموعي وخرجت من الكافيه
حمد لله علي السلامه 
ايه اللي حصل انا ايه اللي جابني هنا؟
اهدي متقلقيش احنا في مستشفي
بلعت ريقي وبصيت حوليا 
كانت اوضه غريبه 
مطليه باللون الابيض
وفي محلول متعلق في أيدي 
ومراد قاعد علي كُرسي جنب السرير
ايه اللي حصل ؟
بعد ما خرجتي من الكافيه فجأه وقعتي شيلتك وجيت بيكي علي المستشفي علي طول
والدكتور قال عندي ايه؟
عندك ضُعف من قله الأكل 
وكتبلك علي شويه محاليل وشويه ادويه
رديت بأحراج وانا ببص قدامي 
شكراً تعبتك معايا وعطلتك عن شغلك 
المهم انك