رواية سليم بقلم يارا رشدي
تعالي
تناولت منه المفاتيح وهي تقول
لا مش عايزه
قالتها ورحلت ليتنهد هو بارتياح ودلف الي الطبيه لتهتف
مطلعتش حامل ولا حاجه
بجد يا ساتر هم وانزاح من علي قلبي
قالها فادي بارتياح شديد لتقول هي
انزاح ازاي وحياه البنت الي ادمرت دي انت تتخلي عنها ولا ايه !
حرك راسه بنفي قائلا
لا طبعا بس انا لقيت حل ممكن حضرتك تعمليها عمليه ترجعها زي ما كانت وتفهميها هي وبابا وماما انك هتعملي اي عمليه وخلاص
يا سلام بسهوله دي اولا حضرتك انا مليش في العمليات دي ثانيآ بقي العمليات دي مش بتتعمل غير قبل الفرح باسبوعين مثلا
اسبوعين ازاي دي في واحده عملتها ولسه مش هتجوز دلوقتي
لا يمكن يحصل لازم قبل الفرح تتعمل
وهذا لا يعني سؤي شئ واحد ان مريم كذبت عليه في كل ما اخبرته به انتبه من شروده علي صوت الطبيبه وهي تقول
انت لو موصلتش لحل انا هضطر ابلغ عنك
تبلغي ايه يا ستي اهدي شويه انا واصل لحل من بدري اصلا بس لقيت حل تاني طلع قدامي مش اكتر
الحل الاول ايه بقي !
اني هتجوز نيره بعد ما تخلص ثانويه عامه ..
مرت الايام ونيره تتحدث يوميآ مع حازم اصبح بنسبه لها شئ اساسي في يومها لم يعد يهمها سليم في شئ يكفي كلمات حازم لها ...
تقف الي
المراءه تقوم بتمشيط شعرها وتتامل ملامحها وكلمات حازم ترن في اذنيها
انا عمري ما شوفت واحده في حلاوتك ولا جمال عيونك القمر دول
ارسلت قبله هوائيه الي انعكاس صورتها في المراءه ثم خرجت من غرفتها ووصلت الي الطابق السفلي حيث يجلس الجميع
جلست بجانب شريف وهي تهتف بابتسامه
ممكن طلب ومتقوليش لا
لو ينفع اكيد مش هقولك لا
ممكن بعد اذنك يعني تديني فلوس كتيره يعني اجيب ميكب ولبس وفساتين واكسسوارت وكده يعني لاني زهقت من ميكب الي عندي ولبس بتاعي عايزه حاجات جديده
اكيد طبعا ممكن بس مش مفروض دلوقتي نركز في مذاكره بتاعتنا ونخلي كلام ده بعد ما نخلص امتحانات ولا ايه
حركت راسها بنعم وهي تقول
كلامك صح جداا بس انا مش هدخل امتحانات السنه دي وهدخل السنه جايه علشان اكون ذاكرت كويس
قدامك وقت تذاكري وتلمي الي فايتك مش هنقعد الف سنه في ثانويه عامه احنا
قالها سليم لتقول نيره
انا بكلم عمو مش بكلمك متدخلش في الكلام
حبيبتي سليم خاېف عليكي بلاش تخسري سنه من
عمرك علي الفاضي ذاكري واعملي الي عليكي في الكام شهر الباقين والي ربنا كاتبهولك هتشوفيه اتفقنا يا حبيبتي
صمتت قليلآ وهي تفكر ثم هتفت
ماشي اتفقنا بس تديني فلوس اجيب لبس وحاجات وانا هذاكر
حاضر من عنيا
قالها وهو
يضمها اليه لتقول هي
شكرا ليك انا بحبك اووي
وبعد مرور الوقت غفلت نيره لتقول ناديه
يا روحي نامت علي نفسها
ابتسم شريف وهو ينظر الي تلك النائمه هاتفآ
لانها كانت محتاجه ده
اخوك قلبه حجر كل سنين دي مفكرش يشوف بنته
مشغول يا ناديه بدنيته ومش فاضي لمسكينه دي جوازته من علا كانت مجرد تسليه معملش حسابه ابدا انها ممكن تحمل كان فاكر طلاما بيحطلها حبوب منع الحمل خلاص
بس علي اقل ميحرمهاش منه كده هي ملهاش ذنب في حاجه خلاص الحكايه انكشفت ومراته عرفت فيها ايه لما يشوفها كل سنه مره حتي
ليقول فادي
بعيدآ عن الحوار العظيم ده انا عايز ابلغكم اني بحب نيره وعايز اتجوزها
نعممممم
قالها الجميع في صوت واحد استيقظت نيره علي صوتهم ذلك وهي تقول
في ايه!
مفيش حاجه يا حبيبتي اطلعي كملي نوم في اوضتك يلا
قالها شريف لتحرك هي راسها بالايجاب وترحل الي غرفتها ليقول سليم
نيره ايه الي بتحبها وعايز تتجوزها!!
عادي بحبها فيها ايه دي
مينفعش هتعيش معاها ازاي وانت عارف انها بتحب اخوك !!!
قالها سليم بانفعال ليجيبه فادي
والله دي حاجه تخصني
سليم اخرج براه الموضوع وملكش دعوه بيه
قالها شريف ليقول سليم
هخرج حاضر وسايبهلكم مخضره كمان
قال جملته الاخيره بضيق واضح ثم نهض لتقول ناديه
كلام سليم صح مينفعش يا فادي انت مش شايف هي متعلقه ازاي بسليم!
شايف وفاهم بس سليم خلاص خطب وهي بدات نتقبل الامر الواقع
بس منسيتش سليم
هتنساه يا ماما مع الوقت هتنساه وانا مقولتش هخطبها ولا هتجوزها دلوقتي لسه شويه ولا انت ايه رايك يا بابا
راي زي رايك يا فادي وطلاما انت بتحبها خلاص
وفي الطابق الاعلي هتفت وهي تتحدث في الهاتف
ولحقت يعني تحبني في الفتره القليله دي
اجابها حازم بتاكيد
انا حبيتك من اول مره شوفتك فيها مع فادي يوم عيدميلادي
ايوه
بس انا مش واحده بتاعه تسليه وكلام ده الي بيحب حد يجي يخطبه ولا ايه
اكيد طبعا لو تحبي اكلم والدك دلوقتي واطلبك ايدك معنديش مانع
لا كلم عمو شريف بابا ملهوش دعوه بيا مبيحبنيش اصلا
مفيش اب بيكرهه بنته
تنهدت وهي تهتف
لا هو بيكرهني انت مش فاهم حاجه بص اخلص امتحاناتي وانت تعالي اتقدملي ونتخطب بس نتجوز شويه كده وانا في تالته او رابعه كليه
مرت الايام واصبحت نيره هادئه لا تفكر في شئ يخص سليم فقط تفكر في حازم
اليوم اختبارها الاول في الثانويه عامه ..
العديد من الاسئله وقفت امامها ولم تتمكن من حل الاختبار بشكل جيد خرجت من اللجنه وهي تزفر بضيق واضح تخشي ان ترسب في الماده باكملها ...
اخرجت هاتفها عندما وجدت اتصال من حازم اجابته هي عندما اخبرها هو
ها عملتي ايه
زفت وشلت الماده معرفتش احل اي كلمه
ايه الي غير نيره بشكل ده !
قالها سليم وهو يتسائل بغرابه ليقول فادي
وانت ايه مزعلك اهي طلعتك من دماغها وعقلت زي ما كنت عايز
من يوم وليله كده عقلت فجاه دي مبقتش تكلمني نص كلمه حتي
ما انت كمان مسحت بكرامتها الارض يا سليم الكلام الي قولتهولها مش سهل بردو اكيد فكرت فيها مع نفسها
تنهد سليم وهو يقول
يعني زعلانه وشايله مني !
ده الاكيد يعني واحد بيقولها خلي عندك كرامه ده غير جملتك بتاعه ابعتها يا بابا تقعد عند اهلها خلينا نرتاح شويه من قلبت الدماغ الي بقالنا سنين فيها دي خليتها تشوف نفسها تقيله عندنا علشان كده دايما قاعده في اوضتها حتي الاكل بتطلبه دليفري
مش شايف انه غريبه تبقي عايز تخطب نيره
لا مش غري عادي انا بحبها ومن زمان اصلا بس وجودك كانت عامل مشكله بنسبالي دلوقتي واهو انت خطبت يعني يعتبر موضوع اتحل بنسبالي
المهم يكون محلول بنسبه لنيره
نهض من مكانه وهو يقول
زمانها طلعت من اللجنه هروح اتصل بيها اشوفها عملت ايه ..
نهض فادي من مكانه ليقول سليم
اموت واعرف وراك ايه يا فادي نيره ايه الي بتحبها من زمان ايه هنصيع علي بعض ده انت لسه من قريب كنت بتعتبرها واحد صاحبك ..
اخبرها ان تنظره في مكان ما وهو سوف ياتي لها وبالفعل جلست في الكافيه القريب من مدرستها حضر هو اليها هاتفآ
اتاخرت عليكي يا حبيبتي
حركت راسها بالنفي ليقول هو
خلاص بقي متزعليش نفسك ان شالله تعدي في الماده دي ودرجات عوضيها في المواد جايه
المواد جايه انا هسقط فيها اصلا يا حازم
لا ان شالله تعدي حتي تجيبي 50 وتدخلي اي حاجه خاص
تناولت كوب الماء من امامها وتهتف
انا مش فارقه معايا اصلا بس علشان لما تيجي تتقدملي محدش يعترض ولا يقول لما تخلص ثانويه عامه
ابتسم وهو يقول
لا يا روحي متقلقيش مش هيحصل اي حاجه من ده كله
ازاحت خصلات شعرها خلف اذنيها وهي تهتف
هو انت بجد بتحبني ! يعني انا واحده فيا حاجات كويسه تخلي حد يحبني
يعني لو مش بحبك هخطبك ليه يا ناصحه ! وبعدين انتي ليه شايفه نفسك قليله ومفيش حاجه فيكي تتحب !
حركت كتفيها وهي تبتسم بتوتر هاتفه
لا مش كده انا بسالك عادي يعني
كيف تخبره انها من صغرها تري نفسها لا يوجد بها اي شئ مميز وسليم عندما رفض حبها اكد لها ذلك ...
جلس أمامها على الاريكه وهتف
عملتي ايه نهارده
إجابته وهي تنظر إلى شاشه هاتفها
كويس حليت
طب سيبي الموبيل ده وبصي عليا وانا بكلمك
نفخت يضيق ثم تركت الهاتف قائله
نعم يا سليم ما قولنا حليت خلاص
هو انتي زعلانه مني اووي كده
ضحكت وهي تهتف
زعلانه بس
يا نيره انتي مش بتحبني مجرد متعلقه بيا بس مش اكتر ولا أقل
انا اكتشفت فعلا كده واكتشفت كمان انك أصغر بكتييير اووي من صوره إلى كنت رسمهالك في عيني عايرتني بقعدتي عندكم مع انها مش بمزاجي يعني وصدقني انا كلمت بابا وطلبت منه ياخذني اعيش عنده بس هو رفض.
البيت ده بيتك زي ما هو بيتنا
يا نيره الكلام طلع ڠصب عني لحظه انفعال بس تصرفاتك كانت مستفزه
اي حاجه بتطلع وقت الڠضب بتكون صح وعمومآ عادي ولا يهمك
قالتها ونهضت من مكانها ليقول هو
انا اسف على أي كلمه قولتها ضايقتك
مش عايزه اعتذار من حد
قالت جملته تلك بانفعال واضح واختفت من أمامه
وها هي انهت اليوم اختبارات الثانويه ولم يتبقي سؤي ظهور النتيجه ..
اخبرها شريف ان اليوم
عائله اشرقت قامت بعمل غداء لهما في منزلهما ابتسمت نيره ووافقت علي الحضور بمنتهي السهوله ف سليم الان لا يهمها ...
تحدث في هاتفها مع حازم الذي يهتف
وطبعا اكيد حازم رايح معاكم العزومه دي
ايوه طبعا كلنا رايحين ميروحش هو ازاي !
لا هو مش رايح علشان كده يا
قلبي ده رايح علشان مريم
ومريم مالها
قالتها باستغراب ليقول هو
كانوا مرتبطين من كام سنه
كده بس هي في النص وسابته وابن عمك لحد دلوقتي ھيموت عليها
يا شيخ
وهتفت عندما تذكرت امر ما
علشان كده في قرايه الفاتحه قعد يقولي وهي واقفه معايا شيلي بلوك يا نيره عايز اكلمك اتاريه كان قاصدها هي وانا زي الغبيه مفهمتش
لانك ملاك يا نيرو ملكيش في الحوارت دي
ثم تابع بتنهيده
ها اتقدملك دلوقتي ولا استني النتيجه كمان !!
لا دلوقتي يدوب تلحق لان ممكن اعيد السنه تاني بالحل الي كنت بحله ده ووقتها عمو شريف هيرفض ويقول تخلص ثانويه عامه
بكره بليل يا قمر هكون عندك وفي ايدي بوكيه ورد ..
هبطت الدرج بعدما قامت بالاستعداد للغداء ذلك هتفت ناديه
كل ده تاخير
اسفه والله يا طنط بس لحد ما خلصت لبس
وانتي كده لبستي!!
قالها سليم وهو يتفحصها من اخمص قدميها الي راسها
نظرت الي هيئتها وهي تقول
اه لبست اهو ولا عميت مش شايف البلوزه وبنطلون
لا والله حضرتك انا مش شايف غير بلوزه مفتوحه وبنطلون شكله يقرف
ده Cutting
يا برودك يا شيخه
الټفت الي والده وهو يقول
عاجبك تخرج بالمنظر ده !
عمو شريف مش بيعترض علي لبسي خليك في حالك انت وملكش دعوه بيا
انا فعلا مش بعترض علي لبسك يا نيره بس مينفعش تخرجي بلي عليكي ده مش حلو خالص في لبس احلي من كده عندك
لتقول ناديه
عندك الفساتين الشيفون شكلهم بيكون جميل عليكي تعالي نشوفهم
لا انا عاجبني اللبس ده ميتحكمش هو في حياتي ويقولي البس ايه واعمل ايه مش علشان قاعده في بيته يتحكم فيا انا قاعده هنا لان ظروفي جات كده بابا مش عايز ياخدني مفيش في ايدي حل
قالتها بانفعال ليقول شريف
لو مراد جه في يوم من الايام وقالي عايز اخد نيره تعيش عندي مش هوافق انتي بنتي محدش يقدر يستغني عن بنته يا نيره
مفروض بعد الكلمتين الحلوين دول تسمعي كلام بابا وتغيري هدومك
قالها فادي بمزاح حتي يقوم بحل الامر وتبدل ثيابها ويصمت سليم لتقول هي
هغيره علشان عمو شريف شايفه مش حلو
قالتها ورحلت ليقول سليم
اخرت دلعكم فيها ايه عايز افهم
انا لما اخطبها هغيرها واخليها تبطل لبس ده
قالها فادي بثقه واضحه ليقول سليم
ونبي اتنيل علي خيبتك باماره الفستان بتاع الحفله هه
لوي فميه بضيق واضح وهو يقول
متفكرنيش يا شيخ
جلست العائله باكملها علي المائده لتناول الطعام ونيره تناول طعامها في صمت
عملتي ايه في امتحانتك يا نيره
قالتها اشرقت بتساؤل
حليت يا اختي
قالتها نيره باقتضاب ركلها فادي
بخفه في قدميها لتقول هي بابتسامه مصطنعه
اهو يعني الحمدالله ربنا يستر ميرسي يا شوشو علي سؤالك
وعين فادي معلقه علي مريم يريد
فهم لماذا كذبت عليه ..
لاحظت نيره نظرات فادي الي مريم ابتسمت ساخره وهي تهتف بداخلها
ماشالله العيله كلها سحابه اشرقت سحبت سليم وادي فادي البت سابته وهو لسه مېت عليها
لمحها تنهض من مكانها لحق هو الاخر دون ان يلاحظ احد وهتف
كدبتي عليا ليه يا مريم !
انتبهت اليه هاتفه
كدبت عليك في ايه
ليقول هو بثبات
العمليه وان اختك حليت المشكله
لانك لو اخر واحد في الدنيا انا مش هتجوزك يا فادي ولا هسامحك
ده علي اساس اني كنت هتجوزك علشان مېت في دابديبك مثلا
حركت راسها بالنفي وهي تقول بابتسامه
لا علشان تصلح غلطتك بس انا بقي شايفه انك تصلحها مع نيره وضعها اصعب مني تخيل تكتشف فجاه الي حصلها يا تري وضعها هيكون ايه !
او رساله صغيره كده ليها شبه رسايل الي كانت بتبعتها ل اشرقت
هاتفه باسف مزيف
يا تري هتعمل ايه لو فجاه كده جاتلها رساله وتعرف كل حاجه
مريم اياكي
قالها فادي بتحذير لتقول هي ضاحكه
لازم يا فادي تعرف مش معقوله البنت تفضل مخدوعه كده حراام
انا هتجوزها ملكيش دعوه بحوار ده يا مريم
موعدكش بصراحه
قالتها ثم اختفت من امامه وهي تضحك ليقول فادي
هي ناقصاكي يا مريم انتي كمان
قالتها اشرقت بهمس لسليم ليقول هو
الحمدالله ربنا هداها وطلعتني من دماغها
في الفتره القليله دي مش معقوله
اهو ربك لما يريد بقي
نظرت اشرقت الي نيره تفحصتها وهي تتمسك بهاتفه تبعث به والابتسامه علي شفتيها ومن الواضح انها تقوم بالتحدث مع احد قالت
هي طلعتك من دماغها ودخلت حد تاني فيها حتي لو تلاحظ من اول ما جات الموبيل منزلش من ايديها ثانيه واحده
قصدك ايه لا طبعا نيره ملهاش في كلام ده تلاقيها
تنهدت اشرقت هاتفه
نيره صغيره ممكن جدا علشان تحاول تنساك وتطلعك من دماغها تعمل اي حاجه ترتبط من الفيس او اي حاجه من حاجات البنات الصغيره انا بقولك
كده لاني خاېفه عليها تصرفاتها باينه انها بتكلم حد
شرد سليم في كلمات اشرقت وهي ينظر الي نيره التي تبعث في هاتفها وتبتسم ..
عادت العائله باكملها الي المنزل اوقف سليم نيره التي تنظر الي هاتفها
هاتي موبيلك كده
نعم ليه ان شالله !
هشوف حاجه ورهوني لحظه
لا موبيلي وانا حره فيه مش عايزه ادهولك ايه ده
ليقول فادي
في ايه يا سليم انت بتدور علي اي مشكله مع نيره وخلاص
وصلت رساله الي نيره واصدر هاتفها صوت ما نظرت هي الي الهاتف وفي نفس لحظه جذبه منها سليم صړخت ايه به
ايه ده يا غبي انت
كادت ان تسحبه منه ولكن سليم هتف
حازم !
ظل يقلب في الهاتف وشاشه المحادثه التي بينهما وهو يقول
الله الله انتو مرتبطين
قالها وهو يلقي الهاتف بقوه علي الارضيه لتقول نيره
اه مرتبطين وبكره هيجي يتقدملي ليك حاجه عندي !
قالتها وهي تتناول الهاتف من الارضيه وجدت ان شاشه حدث بها كسر هتفت
كسرت الشاشه الهي تتكسر ايدك يا اخي
وفادي يقف في صډمه حازم يقصد حازم رفيقه !!!
هتفت فادي
حازم صحبي ولا واحد تاني
هو صاحبك الصايع ما انت خدتها معاك الحفله راح هو لعب عليها
قالها سليم لتقول نيره
حازم مش صايع ده بيحبني وقالي بكره هيجي يتقدملي
يتقدم لمين يا ماما يتقدم لمين انتو بتقولو ايه ولا بتكلموا ازاي حازم ايه !
قالها بعصبيه فادي وهو يجذبها من ذراعيها هاتفآ
انتي ازاي تعملي ومن امته كلامكم !! انطقي ردي عليا
سيب ايدي انتو كلكم هتعملوا فيها رجاله عليا انا حره اعمل الي انا عايزاه محدش منكم لي حكم عليا
انتي غبيييه غبيه مش فاهمه حاجه
قالها فادي وهو ېصرخ بها ليقول سليم
ومش هتفهم خلاص اتعملها غسيل مخ بكلام الحب ما هو دلوقتي سليم طلع دخل حازم
خرج فادي من الفيلا باكملها واستقل سيارته وظل يقودها بسرعه مرتفعه متجهآ الي حازم
اما في الداخل هتفت نيره بابتسامه
اه طلع سليم لان سليم طلع ملهوش لازمه وميستاهلش واحده زي اخره واحده زي اشرقت انما واحده حلوه وجميله
زي تستاهل واحد احسن منك الف مره
ومين بقي الاحسن مني حازم !!
قالها واڼفجر في الضحك لتقول نيره
اه حازم احسن منك
ومفروض بقي اصدقك صح ! وحتي لو هو كده فعلا انا موافقه بيه مين فينا الي هيتجوزه انا ولا انت سوري يعني ! رايك في زباله يا سليم لان انت عارف عمو مش بيقولي علي حاجه
لاسف دلع بابا وماما ليكي ضيعك وانا مش هستني لما تضيعي اكتر ليكي اب يجي يشوفله صرفه معاكي
قالها ورحل من امامها قلدت هي كلماته بسخريه
عايز ايه من نيره تاني مش مكفيك الي عملته فيها!! واوعي تقول انك عايز تصلح غلطتك لاني مش هصدقك
قالها فادي بعصبيه ليقول حازم
هي دي الحقيقه ولو في نيتي اي لعب مكنتش هروح بكره واتقدملها انا حسيت بغلطتي يا فادي لما لقيت نفسي خسرتك
ابتسم فادي ساخرآ وهو يقول
يا شيخ قول كلام غير كده
هخطبها وهتجوزها وكده يبقي صلحت غلطتي اي نعم انا مكنتش لوحدي يومها بس الي حصل كان بسببي
تنهد فادي بقوه هاتفآ
لو عرفت ان حكايه الخطوبه دي وراها ملعوب ھقتلك يا حازم
قام بالاتصال بعمه واخبره كل شئ عن نيره ..
ماشيه مع واحد ومصممه تتجوزه لازم تيجي تشوف حل معاها بلاش تعتمد علي بابا لانه مش هيعمل غير الي عايزاه نيره وهيوافق
انهي المكالمه مع عمه بعدما اخبره انه سياتي في الصباح ..
نظر الي شاشه الهاتف وهو يقول
اما نشوف اخرتها معاكي يا ست نيره ..
جلس فادي بجانبها وهو يقول
اصلا الحكايه من فتره قريبه في خطوبه سليم ومجتش مناسبه اقولك مكنش قصدي اخبي عليك حاجه هي جات كده معايا
عايزاه فعلا يا نيره ولا بس علشان تغيظي سليم
انا نسيت سليم مبقتش افكر فيه شكلها فعلا مشاعري من ناحيته كانت مراهقه
قالتها بتساؤل واضح ليقول هو
ابدا والله ومعرفش اصلا سليم قالك ايه بس انا بقولك حقيقه صاحبي هتقدري يا نيره تعيشي حياتك مع واحد زي كده !
مش عارفه بس انا بحبه
الحب
مش كل حاجه يا نيره طيب ما انا اهو بحبك من واحنا صغيرين بس انتي مشوفتنيش وقلبك كان مع سليم عملت حاجه
ولا اتكلمت سكت وقولت المهم تكون هي مبسوطه وكنت بسمع كلامك عن سليم ولما خطب سليم وخرج من قلبك قولت دي فرصتي كلمت بابا وقولتله اني هخطبك بعد امتحاناتك
ضحك وهو يقول
بس ملحقتش لاسف قلبك راح لحد تاني
وقريب مني بردو زي سليم شوفتي النحس
وفي الحقيقه فادي يخطط لشئ ما في عقله لم يقوم بتسليم نيره الي حازم مهمها حدث ..
ايه الاشتغاله الاوفر دي بتحبني انا ازاي ! ومريم بقي موقعها ايه من الاعراب !
مريم مين!
قالها بدهشه مصطتنعه لتقول نيره
حازم قالي علي كل حاجه
شحب وجهه وهو يقول بتوتر
قالك ايه !
انكم كنتوا مرتبطين وهي سابتك وانت لحد دلوقتي لسه بتحبها
ده كداب مفيش الكلام ده تلاقيه كان شارب وقتها بس
يا سلام ولما قولتلي شيلي بلوك يا نيره عايز اتكلم معاكي ده كان ايه ! يوم قرايه الفاتحه بتاعه سليم ..
يا بنتي لا ده حوار قديم ملهوش لازمه بس مش حب والكلام ده انا بحبك انتي من زمان ايام ما كنا عيال بس مكنش ينفع اتكلم ولا اقول حاجه وانتي مفيش حد في دماغك غير سليم
ودلوقتي في
قاطعها فادي وهو يقول
قالها ورحل تاركآ اياها الكثير من الافكار في عقلها ولا تدري ما هو الصواب ..!
اتصلت بابوها ليه ېخرب بيتك !!
قالها فادي بعصبين ليقول سليم
امال اعمل ايه استني لما تخطب لحازم بكره بابا مش هيقولها لا
انا اتصرفت وحليت الموضوع منك لله يا بعيد خربت كل حاجه بدماغك دي
حليته ازاي يا ابو العريف !
لينت راسها بمعرفتي بس بعد مكالمتك لعمي كل حاجه هتبوظ هو هيجي بكره يفتح
صوته كده علي نيره ويزعق وهي هتعاند معاه وتصمم علي رايها
والله كله منك من البدايه مين الي خدها عيدالميلاد معاه !
ابتسم فادي ساخرآ
لا البدايه كلها من عندك بص يا سليم كل الي حصل بسببك لو مكنتش قولتلها انك هتخطب وبتحب غيرها مكنتش هي هتقعد فتره زعلانه وحابسه نفسها في اوضتها ومكنتش انا هقترح عليها اخدها عيدميلاد علشان تغير جو ..
كل الي حصل يا سليم من البدايه بسببك فيها ايه نيره ميتحبش ! البت حلوه وظريفه واحسن من اشرقت الف مره ومتربيه قدامنا ومتعرفش حد غيري انا وانت وبابا وماما ودعاء صحبتها
احب عيله ازاي !! انتو بتكلموا ازاي اصلا في كلام ده دي مجابتش ال سنه
كل بنات بيتجوزوا وسنهم صغير عادي
خلاص اتجوزها انت
قالها سليم باقتضاب ورحل من امامه ليقول فادي
هعمل كده فعلا ..
استيقظت من نومها علي صوت والدها في الاسفل وهو يقول
هي دي الامانه يا شريف! البت دايره علي حل شعرها وانت مش حاسس
حصل ايه يا مراد لكل ده اهدي كده وفهمنا لاننا مش فاهمين حاجه نيره مالها
قالتها ناديه
خرجت من الغرفه ثم هبطت الدرج وعندما ظهرت هتف والدها وهو ينهض من مكانه ويقترب منها
عايزه تفضحيني وتفضحي اخواتك !
انا مش فاهمه حاجه
قالتها نيره يحيره ليقول مراد
استطعبتي يا بت سليم قالي كل حاجه والواد الصايع الي ماشيه معاها وعايزه تتجوزيه
رفعت انظارها الي سليم ونظرت اليه بخيبه امل ابعد سليم نظره عن نيره ليقول شريف
ايه يا سليم الهزار البايخ ده تعال يا مراد انا افهمك كل حاجه كده بردو يا سليم دي عمله تعملها علشان متخانق مع نيره تروح تعمل فيها مقلب السخيف ده
يا بابا عمي لازم ي
قاطعه شريف وهو يقول
خطبت وكلها شويه وتجوز وبردو مش عايز تعقل ..
جلس مراد وهو يقول
هو ده كان مقلب يا سليم !
اوما فادي راسه بتاكيد وهو يقول
ايوه طبعا اكيد مقلب تفتكر يعني نيره ممكن يطلع منها حاجه زي كده !!
تنهد مراد
بارتياح لتقول ناديه
معلش يا مراد هما كده دايما ناقر ونقير
جلست نيره علي الدرج
ومازالت نظراتها علي سليم لا تصدق انه فعل شئ كهذا بها ..
انتبهت علي صوت فادي وهو يقول
بما ان سليم عمل مقلب السخيف ده وجاب حضرتك لحد هنا ف مش معقول تمشي فاضي كده من غير حاجه
اصدر تنهيده ثم هتف
انا طالب ايد نيره من حضرتك
الي بيحصل ده اسمه عك
قالها سليم بعصبيه جذبه شريف من ذراعيه وهو يقول
ما خلاص بقي مكنتش خڼاقه ما بينكم دي
اختفي كلاهما الي غرفه ليقول شريف بعصبيه
انا كل ما الم الموضوع انت تكبره اكتر عايز ايه عمك ېقتل نيره علشان تستريح !!
يا بابا نيره بتكلم حازم صاحب فادي انا شوفت كلامهم
امبارح علي موبيلها البيه جاي يتقدملها النهارده حازم عارف حازم !
عارف حازم يا سليم بس انا مكنتش هوافق كنت استنيت شوفت رد فعلي الاول وبعدين بلغت مراد
حضرتك مش بتقول لنيره علي حاجه لا
بس مش في جواز وتحديد مصير ممكن متدخلش في الموضوع ده وسيب الامور تمشي لوحدها
بلاش توافق علي جوازها من فادي
قالها سليم برجاء ليقول شريف
واخوك كمان لا ليه
لانها لسه صغيره عيله مش فاهمه حاجه ولا عارفه هي عايزه ايه
انت استغليت الموقف يا فادي
قالها وهي تصرخ به ليقول فادي
ابدا مش كده خالص صدقيني انا بس قولت اهو اي حاجه علشان اغطي علي الي عمله سليم انتي عارفه لو ابوكي مكنش اقتنع بمقلب وكلام ده كان هيحصل ايه !
مش بعيد كان ېقتلني
طيب كويس انك عارفه اهدي كده ومشي حوار الخطوبه ده
وحازم !
مش لازم تعرفيه حاجه انتي شوفتي يعني لبسنا الدبل
زفرت بقوه ثم قالت
اروح ابلغه بقي انه ميجيش النهارده
روحي يا اختي
قالها بسخريه ورحل اما هي ذهبت الي غرفتها ثم تناولت هاتفها ووجدت رساله من حازم
اعذريني مش هقدر اجيلك نهارده لاني تعبان اووي هشد حيلي واجيلك متزعليش يا قمر
كويس انها جات منك
قالتها وهي تقوم بالاتصال به وعندما وصل اليها صوته هتفت
الف سلامه عليك
الله يسلمك يا قلبي سامحيني بس ڠصب عني
لا عادي ميهمكش المهم صحتك
وقفت امام سليم وهتفت
اول يوم دخلت فيه البيت ده كنت طفله صغيره بتدور علي مامتها وبيتها الي فجاه لقيتهم مش موجودين ولقيت ناس تانيه اول مره تشوفهم وبيت اول مره تشوفه فاكره يومها قعدت اليوم كله تلعب معايا ولما كنت بعيط وبسال علي ماما كنت بتحايلني وتلعب معايا ولما كبرت شويه كنت برجع من المدرسه واول واحد اسال وادور عليه انت
كنت شايفاك كل حاجه ماما الي اتحرمت منها وبابا الي رماني عندكم
وايه لازمته الكلام ده يا نيره !
هونت عليك تكلم بابا وتعرفه كل حاجه ! لدرجه دي يا سليم انا مليش لازمه عندك
فهم ما تقصده هي من كلماتها تلك فهتف
عملت كده من خۏفي عليكي انتي ضايعه يا نيره بتعملي كل ده علشان تغظيني ومش بتحبي حازم اصلا
لتقول هي باصرار
لا بحبه وانت مش في دماغي اصلا
ضحك وهو يقول
ماشي هصدقك بتحبيه وواقعه فيه كمان بس مش هتجوزيه ولا هتجوزي فادي تمام كده لما تكبري كده ويبقي عندك 30 سنه ولا حاجه
وتعرفي تاخدي قراررتك بنفسك يبقي اتجوزي
30 سنه ده انت في المهلبيه خالص
قالتها وهي ترحل من امامه ولكن اوقفها صوته وهو يقول
بطلتي تحبيني يا نيره خلاص يعني !! كلام اكيد!!
يتبع ...اضغط على قراءة الجزء الثاني من القصة
اجابته بثبات
اه بطلت احبك واكيد
حرك راسه بتفهم قائلآ
تمام ياريت يكون كلامك ده بجد لان مش هينفع يا بنتي تتجوزي فادي ولا حازم وقلبك لسه مشغول بيا
لا بجد يا سليم
قالتها ورحلت من امامه ليتنهد سليم هاتفآ
متجيش ټعيطي بعد كده
وبعد مر عدده ايام
نظرت الي هاتفها وجدت حازم يقوم بالاتصال بها قامت بالرد عليه وصلها صوته وهو يقول بتعب
وحشتيني
وانت اكتر فينك ليه مش ظاهر واتس ولا بتتصل ولا اي حاجه!
اجابها هو
تعبان يا نيره مفيش غير النهارده قدرت اقوم من علي سرير واتحرك
طيب ما تروح تكشف ولا اي حاجه ايه سايب نفسك كده يعني
هستتي يومين لو مخفتش هروح اكشف مهم طمنيني عليكي اخبارك ايه
بخير كويسه اهو
محتاج اشوفك نهارده ممكن ولا صعب !
لا ممكن بس مش انت تعبان هتنزل ازاي تقابلني
اجابها هو بضعف
هدوس علي نفسي واحاول اجيلك المهم اشوفك بس لانك وحشاني اوي
طيب خليها بكره حتي تكون بقيت احسن
اجابها هو باصرار
لا النهارده يا قلبي ممكن
لتقول هي بقله حيله
حاضر يا حازم
تجلس في الكافيه تنتظره مر الوقت وهو لم يحضر قامت بالاتصال به وصل اليها صوته وهو يقول
معلش يا نيره مش هقدر اجيلك تعبان اوي حاسس اني ھموت قريب
بعد الشړ عليك متقولش كده طيب اطلب دكتور ولا اي حاجه ايه ساكت كده يعني
تنهد وهو يقول
يومين وهبقي كويس متقلقيش بقولك ايه ما تيجي عندي شويه
تسائلت باستغراب
اجي فين !
الفيلا الي حضرتي فيها عيدميلادي مع فادي
لا طبعا مينفعش اجي ازاي ونقعد لوحدنا !!
يعني تفتكري انا ممكن اعملك فيكي حاجه انا بس طلبت منك كده لانك وحشاني وعايز اشوفك واهو انتي شايفه بنفسك كنت جايلك نهارده ومقدرتش ده اول طلب اطلبه منك يا نيره هتكسفيني
حاضر يا حازم حاضر
وقفت امام الفيلا ثم قامت بطرق الباب فتح لها حازم مال جسده للناحيه اليمني لحقته هي واسندته هاتفه
انت تعبان خالص هطلبك دكتور
اجلسته علي الاريكه وجلست هي ليقول
هو
انا كويس يا روحي مټخافيش شويه تعب وهيروحوا لحالهم
مش فاهمه انت بتعاند ليه !
مبحبش الدكاتره بس قوليلي انتي حلوه النهارده كده ليه !
ابتسمت بخجل وهي تهتف
يعني قبل كده كنت وحشه !
انتي حلوه دايما
قالها وهو يلامس وجهها بيديه لتبتعد هي بتوتر قائله
في علاج ولا اي حاجه اجبهولك
حرك راسه بنفي قائلا
لا بس هاتي الكاس والبتاعه الي جمبها دي
قالها وهو يشير اليها تناولتهم هي هاتفه
هتشرب وانت تعبان بشكل ده
هنشرب سوا
حركت راسها بنفي قائله
لا انا مبحبش الشرب خالص
تناول منها الزجاجه والكآس هاتفآ
علشان خاطري كاس واحد بس وحياتي عندك
طعمه وحش اووي مش عارفه بتشربوا ازاي انت وفادي
ضحك وهو يقول
اول كاس بس الي كده وبعدين
هتتعودي عليه
ناولها كآس اخر وهو يقول
يلا بقي كاس تاني علشان خاطري
اغمضت عينيها هاتفه
حرام عليك مش قادره
يلا بقي يا نيرو
الهانم فين كل ده !!!
قالها سليم بعصبيه لتقول ناديه
اكيد بتلف علي حاجه وزمانها جايه
جايه فين ساعه جات 12 نص الليل وهي لسه مشرفتش البت دي باظت خلاص دلعكم فيها بوظها دماغها اتملت بكلام الحب والجواز سليم مكنش سليم يبقى حازم مكنش حازم يبقى فادي ايه الهبل داااا
قال جملته الاخيره وهو ېصرخ ليقول فادي
وطى صوتك يا سليم بلاش بابا يحس بحاجه
خليه يحس علشان يعرف أخرت تربيته بقينا نص الليل والمحترمه مرجعتش وادي زفت موبيلها مقفول طبعا الهانم مش عايزه ازعاج
قالها وهو يلقى هاتفه بعصبيه على الاريكه
يعني انتي مش بتحبيني
تناولت كأس الذي أمامه وارتشفته هاتفه
اطلاقاااا ولا ليك لازمه عندي انا مبحبش حد غير سليم بس يا خساره هو محبنيش وحب واحده غيري
ابتسمت بحسره وهي تقول
انا دايما حظي كده محدش بيحبني ولا طايقني لا بابا ولا اخواتي ولا اي حد خالص ماما السبب في كل ده ماټت وسابتني هي السبب
قالها وهو يجذب منها الكأس لتقول هي
سليم كان معاه حق قالي انك هتعلمني الشرب و
أسندت رأسها على الاريكه واغمضت عينيها هاتفه
انا ده حظي اتحب من واحد زيك لكن واحد زي سليم ميبصليش ولا يشوفني اصلا قدامه
أنهت جملتها تلك وراحت في النوم لم تعد تشعر بشئ حولها ابتسم
انت ليه يا بابا مش عايزني مش معتبرني ليه زي ريم وامجد هو انا مش بنتك زيهم
وجد الدموع تسقط على وحنتيها وتهتف وهي غارقه في النوم
ابتعد عنها وهتف بضيق
وبعدين بقى هتوجعي قلبي معاكي ليه
قام بمحو دمعتها التي سقطت على وحنتيها وهتف
لو فادي كان عنده اخت كنت خدت حقي منها بطريقتي بس هو معندهوش ويوم عيد ميلاد لما لقيتك في وشي لقيتها فرصتي اخد حقي من ابن عمك زمان انا ورطه في حوار مريم كنت فاكر انها مش هتسكت
اخرج هاتفه ثم قام بتبديل الشريحه الموجوده بالهاتف ووضع شريحه أخرى وقام بإرسال رساله ا
ارسل تلك الرساله ثم ألقى الهاتف منها وقام بالاقتراب منها مره اخرى ولكنه لم يستطيع لا يدري لما يشعر هذه المره بوجود شئ يمنعه!!!!!
قالها فادي باستفهام ليقول سليم
اخلص انا مش عايز أعلى صوتي واسمع ماما وبابا بيت الزفت ده فين
اعرف الأول وافهم
صړخ سليم به وهو يلقى الهاتف عليه
اتفضل افهم
وعندما وصل اليه طرقات بقوه من الطايق السفلي هتف
وصل اهو يا جميل لازم تفوقي
قالها ثم حاول افاقتها قام برش قطرات الماء على وجهها
وهتف
قومي يا نيرو كل ده نوم!
رويدآ رويدآ فتحت عينيها بتعب ونظرت حولها باستغراب ثم نهضت بفزع عندما سمعت
معقول يا نيرو نسيتي إلى حصل بينا
حركت رأسها بنفي هاتفه
نهضت من مكانها وهي تهتف
اكيد بحلم انا في حلم فوقي يا نيره فوقي فوقي
انت متأكد ان ده بيته!
قالها وهو يطرق الباب يقوه ليقول فادي
ايوه متاكد يمكن يا سليم دي رساله كده وخلاص حد بتاعتها علشان يقلقنا
إلى بعت الرساله دي متأكد
ما إن أنهى جملته حتى ظهر حازم أمامه وهو يقول
في ايه! حد يخبط على حد بشكل ده في نص الليل!!!
ازاحه سليم من طريقه ودلف إلى الفيلا هاتفآ
نيره فين
ايه الي هيجيب نيره عندي مش فاهم!
قالها حازم باستغراب ليقول فادي
في رساله جات لسليم مكتوب فيها أن نيره عندك بايته
ده مين إلى عايز يوقع ما بينا بشكل ده
يقود السياره ويمسح وجه بقوه اثر الضربات التي تلاقها من حازم ونيره تبكي بصمت بجانبه ليهتف سليم
لو الكلب ده مجاش اتقدملك فعلا زي ما بيقول
لو في عنده نيه ميجيش مكنش قالك من الاول انه هيصلح غلطته
قالتها نيره بصوت مبحوح وهي تمحو دموعها ليقول سليم بعصبيه
اخرسي صوتك مش عايز اسمعه
اوقف سيارته في مكان هادي تمامآ وخرج منها تاركآ اياها بمفردها بها يشعر بالضيق والاختناق من كل شئ حوله حالتها التي راها بها عندما دلف الي الغرفه لا تفارق عقله
ېصرخ حازم بتالم وهو يقوم بتطهير الچروح في وجهه قائلا
اخوك ده ايده تقيله اووي يا ساتر
عملت كده ليه !!
قالها فادي بجمود ليجيبه حازم
معقوله تعمل كل ده علشاني
قالها فادي ساخرآ
ثم تابع بجديه
ماانت كنت هتقدملها وتجوزها والموضوع هيخلص بردو
اهلك يا حبيبي عمرهم ما كانوا هيوافقوا عليا وبذات اخوك انا بقي حبيت اضرب حجرين ببعض اخلصك من الورطه الي وقعتك فيها واتجوز نيره
مش قادر اصدق يا حازم حاسس ان وراك حاجه
بقي كده يا فادي بردو شاكك فيا بعد كل الي عملته ده !! ده انا يا جدع مرضتش المس البت مره تانيه وقولت كفايه الي حصل قبل كده مع انها كانت قدامي وكان ممكن اضعف بس انا معملتش كد
خرجت من السياره ثم وقفت بجانبه هاتفه
الفجر اذن هنروح امته
لم يجيبها بشئ فقط ينظر امامه بصمت تام لتقول هي
عمو وطنط ممكن يصحوا في اي وقت ويتخضوا لما ميلاقوش حد مننا في البيت يلا نروح
وعندما لم تتلقي رد منه هتفت هي بنفاذ صبر
يااخي بكلمك رد عليا متسبنيش كده بكلم نفسي
الټفت اليها ثم صفعها وجذبها من ذزاعيها بقوه وتحرك بها ناحيه السياره حاولت هي ابعاده عنها هاتفه پبكاء
سيبني انا هروح لوحدي
لم يهتم بكلماتها القاها بداخل السياره ثم استقلها هو وادار المحرك قائلآ
مفكرتيش لحظه واحده وانتي بتسلمي نفسك بسهوله كده لواحد زي حازم في بابا ولا ماما ! مفكرتيش في الناس الي اعتبروكي ينتهم وربوكي وصرفوا عليكي !
انا مش عارفه ده حصل ازاي مش فاكره حاجه
اصلا
قالتها باكيه ليقول سليم
مفكرتيش فيا انا نيره ده انا وانتي صغيره كنت بخاف تخرجي لوحدك حتي لو اخر الشارع كنت بحاول احافظ عليكي من اقل حاجه وفي الاخر تضيعي نفسك بالشكل ده ! ليه يا نيره كده ليه
لانك رفضتني زي بظبط ما بابا رفضني وانا صغيره وزي اخواتي حتي دعاء صحبتي الي مليش غيرها بقي ليها صاحبه غيري ورفضتني الدنيا كلها رفضتني يا سليم
نظر اليها بصمت ثم قام بقياده السياره مره اخري
وصل الي المنزل ثم دلف كلاهما اليه وكانت ناديه تجلس تنتظرهم
نهضت بلهفه من مكانها هاتفه
كانت فين يا سليم ! ومال وشك !!
نسيت نفسها مع صحبتها ومحستش بالوقت اما الي في وشي عادي خڼاقه بسيطه يلا تصبحي علي خير
قالها ورحل من امامها لتقول ناديه بلوم وعتاب
كده بردو يا نيره تقلقيني عليكي بشكل ده
وفي صباح اليوم التالي
من يومين كنت رافض انها تتخطب لحازم ونهارده عايز تجوزهاله وفي خلال اسبوع!! مش غريبه دي يا سليم ! وبعدين اخوك اصلا خطبها من عمك ولا نسيت
تنهد سليم وهتف الي ابيه
لقيت نيره بتحبه وسمعت من براه انه اتغير
ليقول شريف
الي في وشك ده خڼاقه مع واحد صاحبك زي ما بتقول ولا مع حازم !
وانا ايه الي هيخليني اټخانق مع حازم يعني
هتف شريف بشك
مش عارف بس حاسس ان في حاجه بتحصل ولازم افهمها
مفيش
حاجه نيره بتحب حازم خلاص
حياتها وهي حره فيها
انا مش هرمي نيره يا سليم لواحد زي حازم حتي لو هي كانت بتحبه وعايزاه
هتف سليم بعصبيه واضحه
لازم ترميها لان هي الي عملت في نفسها كده انا جايب بنت اخوك المحترمه امبارح في نص الليل من اوضه نوم حازم وكويس اوووي انه وافق يتجوزها
اصلا
انت بتقول ايه!!!!
تجلس العائله باكملها لتناوا الافطار ومن حين الي اخر ينظر شريف الي نيره نظرات غريبه لاول مره تراها من عمها الحبيب
نظرت الي سليم پخوف ايعقل ان يكون اخبره بشئ!!!
نتيجتي يا عمو هتظهر نص الشهر لو جبت مجموع حلو هتجبلي ايه هديه!!
رفع عينيه ونظر اليها قائلا ببرود
معرفش ربنا يسهل
هو حضرتك زعلان من حاجه !!
كلم صاحبك يا فادي وبلغه يجي النهارده بليل يتقدم لنيره وانا هحاول اقنع مراد
مش لازم تعرفه ماهو راميها عندنا من صغرها جاي دلوقتي يعمل فيها اب
قالها سليم لتقول ناديه
انا مش فاهمه حاجه هي مش نيره هتخطب لفادي!!
حرك شريف راسه بنفي قائلا
لا هتخطب لحازم واسبوع ويتجوزوا
وناديه تنظر باستغراب ولا تفهم اي شئ
قالتها نيره وهي علي وشك البكاء
نظرت الي عمها تنتظر منه اي رده فعل اتجاه سليم ولكنها وجدته يتناول طعامه هتف فادي
ما خلاص يا سليم لم لسانك في ايه
ماهو كله من تحت راسك
قالها سليم ونهض من مكانه پغضب لتقول نيره وعينيها تلمع بالدموع
هو حضرتك يا عمو زعلان مني في حاجه !
ابتسم شريف ساخرآ وهو يقول
وهزعل منك ليه يا نيره
ثم تابع بجمود
كتر خيرك يا بنتي حافظتي علي الثقه الي ادتهالك
وكل شئ وضح امامها سليم اخبره بكل شئ
يحاول شريف اقناع مراد بزواج نيره من حازم ومراد مصمم علي الرفض
ابنك لسه طالب ايديها مني من يومين انت بتكلم ازي يا شريف !
وهي مش عايزاه ايه هنجوزها ڠصب عنها ولا ايه حازم اتقدملها وهي وافقت خلاص متعقدش الدنيا
انا ابوها ومش موافق البت لسه صغيره علي الجواز انا وافقت علي فادي علي اساس خطوبه كام سنه وبعدين تتجوز
بنتك مش عايزه فادي الجواز مش بالعافيه
قالها شريف بملل ليقول مراد
يبقي خلاص اهي قاعده
لا مش اهي قاعده انا شايل نيره عندي بقالي سنين ده غير انك كمان مبتفكرش حتي تصرف عليها وانا الي بصرف مش عايز الجوازه دي خلاص يبقي تاخدها تعيش عندك انا مش هقدر اتحملها اكتر من كده
وفي الحقيقه هو كاذب ف نيره بنسبه له ابنته التي لم ينجبها ولكنه يريد ان يتم زواجها من حازم ب اي شكل ويعلم جيدآ ان اخيه لم يوافق ان يجعل نيره تمكث معه
انت عارف ظروف البيت عندي متنفعش اخد نيره ولو بعتها عند جدتها هفتح علي نفسي ابواب مش هعرف اقفلها امال انا سبتها عندك ليه
يبقي خلاص تتجوز حازم
حتي انت يا فادي مش عايز تتكلم معايا !
قالتها بحزن ليجيبها هو
هما اتفقوا علي كل حاجه يلا انزلي علشان قرايه الفاتحه
قالها وكاد ان يرحل من امامها ولكنها منعته وهي تتمسك بيديه هاتفه برجاء
انا مليش غيرك يا فادي بلاش تقلب عليا زيهم كفايه سليم وعمو
ضيق بين حاجبيه وهو يقول
انت الي عملتي في نفسك كده
ملهوش لازمه الكلام ده دلوقتي يلا ننزل اتاخرنا علي
اهلك ان شالله هيحضروا كتب كتاب ولا بردو هيكونوا مسافرين !
قالها مراد بضيق ليجيبه حازم
لا طبعا هيحضروا انا عارف ان غلط جيتي بطولي كده بس انا خاېف حد يجي ياخدها هي العروسه اتاخرت ليه كل ده !
اجابه سليم باقتضاب
اهي نازله
وبالفعل مرت ثواني وظهرت امامهم نيره برفقه فادي
تمت قراءه الفاتحه والاتفاق علي موعد عقد القران
وفي الليل
يقوم حازم بالاتصال بها ولكنها لم تجيبه نهضت من الفراش وخرجت من غرفتها ومن الفيلا باكملها
جلست علي احدي المقاعد الموجوده بالجنينه
بتعملي ايه براه الفيلا ساعه اتنين بليل ! ايه متفقه مع حازم يجيلك ولا ايه
قالها جملته الاخيره بسخريه لتقول نيره
ارتاحت لما فضحتني قدام عمو
كنت عايزاني اعمل ايه يعني اخليه ازاي يوافق علي الجوازه الزفت دي
معاك حق هي فعلا جوازه زفت
قالتها بحسره واضحه ليقول سليم
تؤ تؤ متقوليش كده ده انتي حتي هتاخدي زوما حبيبك الي بتحبيه
انا مبحبش حد غيرك علاقتي بحازم بس علشان اغيظك وانساك
لا بصي كلام الحب وبحبك يا سليم مش عايز اسمعه منك تاني لاني مش باخد بواقي غيري مهما كان يا نيره مش هتجوز ولا احب واحده انا جايبها من اوضه نوم واحد وصلت ولا ايه
اختفت من
امامه لا تريد سماع كلماته تلك الجميع جعلها مذنبه وهي لا تذكر اي شئ
ما حدث حدث رغمآ عنها كانت فاقده الوعي
ليس لها ذنب
مرت الايام حتي جاء يوم عقد القران
تقوم هي بالاتصال به جميع الحاضرين وصلوا حتي الماذون ماعدا حازم
حازم قالكم انه مش ناوي يجي وهيخلع في كتب كتاب صح !
قالها فادي الي رفاقه ليجيبه خالد
احنا منعرفش حاجه اصلا كلنا استغربنا لما قالنا هيتجوزها
الساعه تسعه وهو لسه مجاش ومش بيرد كل ده ملهوش غير معني واحد انه مش هيجي
ليقول يوسف
اخوك راحله البيت واكيد هيجيبه من قفاه
كله منكم يا بعده
الجميع يهمس علي تاخر العريس ونيره تشعر بالړعب بداخلها
نظرت الي كلآ من امجد وريم وجدتهم يهمسون ويضحكون ومن الواضح ان ذلك عليها
وعندما لاحظ امجد نظرات شقيقته نيره له هتف الي ريم
بس اسكتي شكلها خدت لبالها
يعني احنا بس الي بنتكلم الناس كلها بتتكلم مجتش علينا
تفتكري العريس بتاعها طفش منها ليه !!!
وصل سليم وملامح وجهه غير مطمنه اطلاقآ
فين حازم !
قالها مراد بتساؤل ليقول سليم
البواب قال انه سافر النهارده الصبح
سافر ازاي وكتب كتاب !
قالها شريف پصدمه وعدم استيعاب ونيره تتابع ما يحدث بصمت تام لا تصدق ما يحدث
اقتربت منه اشرقت هاتفه بتوتر
سليم عايزاك لحظه
تحرك سليم معاها مدت يديها يالهاتف اليه قائله
قام بتشغيل المقطع الصوتي ووضع الهاتف علي اذنيه ليصل اليه صوت حازم قائلا
انا سافرت براه مصر والراجل في عيلتكم يوصلي بقي
علشان اخد حق اختي منك ندا فاكراها ! اهو بقي اخوها دخلت شيلتكم ال دي مخصوص علشان اخد حقها اختي ماټت بسبب عيل زيك ضحك عليها بشويه كلام حب وبعدين قالها معرفكيش
عارف انا كبرت في دماغك حوار مريم ليه ! علشان البت تتكلم واهلها يخلصوا عليك بس لاسف هي طلعت غبيه وخاڤت فضلت سنين مستني فرصه اخد
حقي منك بيها ويوم عيدميلادي جبت ليا الفرصه في ايدك
قال جملته وهي يضحك بقوه
ثم قال
ميرسي اووي بجد
شعرت بوالدها وهو يقبض علي ذراعيها بقوه هاتفآ بزعيق وعصبيه
انهي جملته وصفعها بقوه لتسقط نيره علي الارضيه اقترب فادي منهما وابعد مراد عنها قائلا
نيره ملهاش ذنب في حاجه والله ما ليها ذنب
اسكت انت
وعندما اقترب منها مراد منعه سليم قائلا بجديه
وبعد ما تضربها وتموتها في ايدك هتتحل كل حاجه يعني!!
اوعي يا سليم
قالها بزعيق
مش هخليك تمد ايدك عليها انت دلوقتي افتكرت ان عندك بنت !! احنا الي ربيناها واهلها وهنحل كل حاجه
قالها صارخآ
خرج صوت سليم قائلا
انا هتجوز نيره
انتهي الماذون من عقد قران كلآ من نيره وسليم
نظر الي اشرقت التي تنظر له بعين دامعه ابعد نظره عنها بضيق
نظر اليها سليم ثم اسندها بيديه نظر الي الحاضرين قائلا
اظن زي ما حضراتكم شايفين كتب الكتاب خلص واتجوزنا والماذون مشي يعني الليله خلصت وضعكم ايه دلوقتي هتفضلوا مشرفينا لحد امته !
نهض الجميع باحراج واضح اقتربت ناديه منها وحاولت افاقتها ليقول مراد
سبيها يا ناديه خليها ټموت وتغور في داهيه
ابتسم سليم ساخرآ خرج جميع الحاضرين ماعدا اشرقت ومريم
هتفت اشرقت بصوت مخټنق
انا عايزه اتكلم معاك يا سليم
مش دلوقتي خدي اختك وامشي وبلاش تجيبي سيره لاهلك بخصوص الي حصل
يعني ايه ! انا مش هقبل بالوضع ده
قالتها باكيه ليقول هو بنفاذ صبر
خديها يا مريم وامشوا دلوقتي
لتقول مريم
يلا يا اشرقت الوقت اتاخر
اقتربت منه اشرقت ثم قامت بنزع الدبله المعلقه في يديها هاتفه
دبلتك اهي
قالتها وهي تلقيها عليه ثم خرجت من المكان هي وشقيتها لتقول ريم
الحمدالله ان منير ميعرفش
عمي خد عيالك وامشوا من هنا بعد اذنك يعني
قالها سليم بنفاذ صبر وصدره يعلو ويهبط ليقول مراد
انت بتطردنا من بيت اخويا شايف يا شريف !!!
لا مش بطردكم ولا حاجه ودي تيجي انا الي ماشي خالص بس ايدك يا عمي لو اتمدت علي نيره تاني انا مش هسكتلك انت ملكش الحق في كده
بابا واحنا بس الي لينا الحق لكن انت رميتها من صغرها وظلمتها وعيالك كملوا ظلمك
قالها ورحل من المكان باكمله ليقول مراد
انا لو اعرف ان تربيتك عره بشكل ده مكنتش جبتلك البت تربيها عندك
وفادي يقف بعيد يراقب ما يحدث بصمت والدموع في عينيها كل ما حدث ويحدث بسببه هو !!
هو المذنب في كل شئ نيره لم تفعل شئ
بعد مرور الوقت
رحل كلآ من مراد وابنائه
فتحت نيره عينيها وبدات ان تستعيد وعيها نظرت حولها لتجد ناديه بجانبها وشريف يجلس علي المقعد المقابل لها وفادي يقف بعيدآ
خرج صوتها وهي تقول بصعوبه
لم يجيبها شريف بشئ فقط نظر بصمت ثم رحل وتركها التفتت الي ناديه قائله
انتي مصدقاني يا طنط صح
اشاحت وجهها بعيدآ عنها ثم نهضت هي الاخري وتركتها
عادت بجسدها للخلف وضړبت راسها بالاريكه شعرت بفادي وهو يجلس بجانبها قائلا
انا اسف يا نيره الي حصلك كله بسببي كله بسبي
قال جملته الاخيره وهو
يكور قبضه يديه ويضرب بها جبهته بقوه الټفت اليها نيره ومنعته هاتفه
لا يا فادي انت ملكش ذنب في حاجه انا الي روحت حازم ومسمعتش كلام حد منكم
انتبه كلاهما لسليم الذي وصل للتوء نظر حوله ثم قال
قاعد بتعمل ايه لحد دلوقتي مش تقوم تغير هدومك دي وتشوف هتنام ولا هتعمل ايه !!!
نهض فادي بصمت ورحل ليقول سليم
وانتي نظامك ايه هتفضلي قاعده كده كتير بمنظرك ده !! المكياج سايح علي وشك وشكلك يقرف
قاطعها هو قائلا بجديه
هوووووس قومي يلا اغسلي وشك من الزفت الي عليه ده ومش عايز اسمع كلمه منك
ي
زعق بها
سمعتي قولت ايه ولا اعيد تاني !
لتقول هي
ماهو انت لازم تسمعني
مش عايز اسمعك انا حر ومن دلوقتي الكلمه الي هقولها تنفذيها من غير حرف زياده الحياه السهله الي كنتي
عايشها قبل كده انسيها خالص لانها مش هتكرر التاني
ثم نظر الي الفستان الذي ترتديه وهتف ثم تناول هاتفها الموجود علي الطاوله ثم قام برميه علي الارض وضغط عليه بقدميه بقوه هاتفآ
موبيلات مش هتمسكي خروج لوحدك مش هيحصل ولا معاكي حد انتي مش هتشوفي وش الشارع تاني اصلا
انت ملكش الحق تتحكم في حياتي بشكل
ده عمو شريف هو بس الي يتكلم
لا ماهو مسمعتيش الجديد ! انا دلوقتي ليا الحق اتحكم في حياتك اكتر من بابا ماهو انتي مراتي دلوقتي يا ماما
بشكل مؤقت فتره وهنتطلق انت اتجوزتني بس علشان الفضحيه الي حصلت
اهي الفتره دي هتمشي علي مزاجي انا فيها وبكره الصبح تجهزي شنطتك علشان هنروح شقه بتاعتي الي مفروض كنت هتجوز فيها انا واشرقت
مش هروح معاك في اي مكان وبلاش تتحكم فيا بطريقه دي
طيب بكره الصبح تجهزي شنطتك وتيجي معايا برضاكي احسن علشان ماخدكيش ڠصب عنك تمام الي زيك اصلا المفروض ميتكلمش نص كلمه
لم يمهلها فرصه للرد حيث اختفي من امامه لتجلس هي علي الاريكه وتخفي وجهها بين يديها بحزن
صعد الي غرفته ثم قام باخراج هاتفه وارسال رساله الي اشرقت علي تطبيق واتساب
هان عليكي ترمي الدبله في وشي
انتظر لحظات وظهر امامه انها قامت برويه الرساله ولكنها لم تجيبه بشئ ليرسل هو
مكنش قدامي حل تاني وانتي شوفتي بعينك الوضع كان ايه
لم يصل اليه رد قام بالاتصال بها اكثر
من مره واخيرآ قامت هي بالرد عليه هاتفه
نعم
لازم الف رنه علشان تتكرمي وتردي عليا
اهو ده الي عندي عايز ايه اخلص انا مش فضيالك
لتقول هي بانفعال
لا كان في اخوك وانت بنفسك قولت قبل كده انه اتقدملها
فادي هو السبب في المصاېب دي كلها وانا مش هسلمها لفادي نيره ضايعه يا اشرقت وهو هيضيعها اكتر
يا سلام وانت بقي الي هتنتشلها من الضياع ده
قالها اشرقت بسخريه ليقول سليم
بلاش تريقه وحيات ابوكي علشان انا الي فيا مكفيني ومش ناقص
التفاهم معاكي صعب بجد بكره عايز اقابلك في المكان بتاعنا هوصل نيره الشقه واجيلك
شقه ايه مش فاهمه ! انت هتعيش معاها لوحدك ! وكمان عندك شقه غير الي هنتجوز فيها ومقولتليش !
بس اهدي اهدي انا بتكلم علي شقه الي كنا هنتجوز فيها
يا مراااري وكمان هتاخدها شقتنا الي انا مختاره كل حاجه فيها يا شيخ حسبي الله ونعمه الوكيل فيك
قالتها وانهت المكالمه نظر الي شاشه هاتفه بعدم رضا اطلاقآ وهو يقول
صدق الي قال علي البنات انها مجنونه
وفي صباح اليوم التالي
هتف فادي بقلق
هتاخدها شقتك ليه !
مش حابب اقعد بيها هنا عادي مراتي وانا حر
ليقول شريف
ناوي علي ايه يا سليم ! ا
ولا حاجه يا بابا هكون ناوي علي ايه يعني ھڨتلها مثلا !
قالها سليم بعصبيه مكتومه لتقول ناديه
انت هتطلقها ولا هتكمل معاها !
اكيد هطلقها اكمل معاها ايه دي كانت اشرقت تروح فيها
ظهرت امامهم نيره وهي تحمل حقيبتها ثم هتفت
انا جهزت حاجتي
نظر اليها سليم وهتف
لو كنتي اتاخرتي دقيقه واحده كنتي هتلاقيني جايبك من شعرك
يا عمو متخلهوش يكلمني بالطريقه دي
قالتها نيره بضيق ليقول شريف
انتي وجوزك احرار مع بعض
زاغت يعينيها عليهم جميعآ لا احد يقف في صفها الجميع ضدها
انا رايحه استناك جمب العربيه
قالتها ورحلت وهي تحمل حقيبتها ليقول شريف
خف عليها شويه يا سليم
ربنا يسهل
دلفت معه الي الشقه لتجد امراة في الاربعين من عمرها تجلس
نظرت الي سليم باستغراب ليقول هو
دي نيره يا عايده
ابتسمت لها عايده هاتفه
اهلا بيكي يا حبيبتي
مين دي يا سليم !!
عايده هتقعد معاكي لحد ما تخلص فتره جوازنا واطلقك
تقعد معايا ايه هو انت هش هتقعد هنا !!
حرك راسه بالنفي قائلا
لا طبعا يلا سلام دلوقتي خلي بالك منها يا عايده
في عنيا متقلقش
رحل سليم لتجلس نيره علي الاريكه بحسره واضحه
قامت بفتح الباب لتجد سليم امامها زفرت بقوه وهتفت
انت كمان ليك عين تيجي هنا
ممكن تهدي شويه
علشان نعرف نتكلم مع بعض
قالها وهو يدلف الي الشقه لتقول هي
بقي يا بجح متجوز وواخد مراتك شقتنا وعايزني اهدي!!
الشقه دي اعتبري نفسك مشوفتهاش ولا جهزتي فيها اي حاجه ومن بكره ننزل سوا نختار
شقه تانيه تمام كده
لا مش تمام كده هو ايه الي اعتبري ومتعتبريش وجوازك منها ده ايه !
تنهد سليم هاتفآ
علي فكره انا جبتلها واحده قاعده معاها هناك وقافل عليها الشقه اساسا وقعدتي هتبقي في اي فندق لحد ما مده جوازي منها تخلص واطلقها
وليه كل الهبل ده !
ضړبت الباب بقدميها وهي تصرخ باكيه
يعني انا هفضل محپوسه هنا !
تنهدت عايده وهي تنظر اليها باسي لتقول نيره
علشان خاطري يا طنط لو معاكي المفتاح هاتيه انا هروح الفيلا عند عمو شريف
مش معايا ممكن لما يجي استاذ سليم بكره تتكلمي معاه وتطلبي منه ياخدك الفيلا تاني
لتقول هي باكيه
مش هيوافق هو جايبني هنا علشان يعذبني
قالتها وهي تجلس علي الارضيه بجانب الباب
ينظر امامه بشرود تام نيره انتهت بسببه هو كل شئ حدث هو المذنب به وليس نيره
قفز في عقله مريم تناول هاتفه ثم قام بالاتصال بها وعندما وصل اليه صوتها هتف هو
انا تعبان ومش قادر استحمل ضيعتك انتي زمان ودلوقتي نيره
ثم اكمل وهو يغمض عينيه وهتف بصوت ضعيف
شايف قدامي كل الي حواليا بيحملوها هي الذنب وانا مش قادر اتكلم ولا اقول اي حاجه انا جبان وزباله اوووي
ياااه جه اليوم الي اشوفك فيه يا فادي متعذب كده
قالتها وهي تبستم بتشفي ليقول هو
عارف انك فرحانه فيا حقك بردو
نهايته عايز ايه !
عايز ارتاح واقدر اغمض عيني وانام عايزك تسامحيني وعايز كمان نيره تسامحني
مش هيحصل محدش هيسامحك وانت عمرك ما هترتاح هتفضل پتتعذب كده طول حياتك لحد ما ربنا ياخدك والبشريه ترتاح منك
قالتها وانهت المكالمه علي الفور
ايه الاخبار عندك !
قالها سليم وهو يتحدث بالهاتف لتجيبه هي
اول ما عرفت ان الباب مقفول عليها فضلت ټعيط وتخبط في الباب لحد ما تعبت ونامت جمبه
قالتها وهي تنظر الي نيره
النائمه بجانب باب الشقه ليقول سليم
شويه وهتتعود المهم عينك عليها واوعي تسهيكي وتاخد منك المفتاح وتخرج براه الشقه فهماني
حاضر يا استاذ سليم
انهت المكالمه معه ثم اقتربت من نيره وهتفت وهي تهزها برفق
قومي يا حبييتي نامي في الاوضه
فتحت عينيها نيره بصعوبه بسبب البكاء وهتفت
انا مش عايزه افضل محپوسه هنا
مين قال انك محپوسه انتي قاعده في بيتك وعندك كل حاجه اكل ولبس وتلفزيون بذمتك في حد محپوس يبقي عنده الحاجات دي
بكت نيره وهي تقول
انا مش عايزه كل ده مش عايزه هو انا علشان بابا رميني اتهبدل البهدله دي
اغمضت عينيها وهي تصرخ باكيه
ليه يا ماما
مۏتي وسبتيني ليه مۏتي وخلتيني اتبهدل البهدله دي كلها لو كانت عايشه مكنش حصل فيا كل ده يارب خدني عندها يارب علشان ارتاح من حياتي دي
استطاع سليم اقناعها وارتدت اشرقت خاتم خطبتها مره اخري تنهد سليم وهتف
اياكي تشليه من ايدك تاني فاهمه
موضوع نيره هتخلصه امته بابا لو عرف انك اتجوزت مش هيعدي موضوع بساهل
وهيعرف منين ! باباكي مش بيتابع اخبار ولا اي حاجه وعموما يا ستي انا عندي حل احنا نتجوز الايام دي ايه رايك
نعم يا حبيبي عايز تتجوزني علي واحده !!
يا بنتي انسي نيره دي بصي نيره بنسبالي اختي الصغيره بنتي الي مسئوله مني بس واهو قدامك كلمت عايده
ميخصنيش
كل ده تطلق نيره نتجوز
ضغط علي شفتيه بضيق قائلا
ماشي استني بقي لحد الفتره دي ما تعدي
مر يوم اثنين ثلاثه اربعه خمسه ست سبع ثمانيه تسع عشر ومرت الكثير من الايام عليها وهي سجينه في تلك الشقه ولم ياتي احد لزيارتها حتي سليم
لاول مره تشعر بالكره ناحيه سليم ذلك
جلست امام التلفاز تقلب به بملل لتجد علي احدي القنوات وزير التربيه والتعليم وهو يقول انه بعد نصف ساعه موعد ظهور نتيجه الثانويه العامه
وانا دلوقتي اجيب النتيجه ازاي !!
تحركت من مكانها ثم هتفت الي عايده التي تقوم بطهو الطعام
ممكن يا طنط تديني موبيلك بعد شويه اجيب نتيجه بتاعتي
سامحيني مش هينفع استاذ سليم منبه عليا متمسكيش موبيل خالص
الله ېحرق سليم يعني الناس كلها تعرف نتيجتها وانا لا !! حرام عليكي يا طنط اعتبريني بنتك طب بصي انا هقولك رقم جلوس بتاعي وانتي هاتيها ينفع !
صمتت عايده بتفكير ثم هتفت
ماشي بس اياكي تجيبي سيره لاستاذ سليم اتفقنا
احتضنتها نيره وهي تقول بفرحه
ولا هيعرف اي حاجه متقلقيش
بعد مرور الوقت
تجلس نيره بجانب عايده التي تحاول الحصول
علي نتيجه الخاصه بنيره هتفت هي
اكيد علشان في ضغط علي موقع حاولي تاني يا طنط بالله عليكي
اهو يا نيره بحاول
وبعد ثانيه هتفت عايده
فتحت
وريني كده اشوف كام وريني وريني
نظرت نيره الي الشاشه وهتفت بعدم تصديق
60 ماشالله عليا جبتها ازاي
دي ! وكمان مطلعتش بمواد الله عليا ممتازه يا نيره
انتي بتكلمي بجد ولا بتتريقي علي نفسك
قالتها عايده باستغراب لتقول نيره
طبعا بتكلم بجد انا كنت خاېفه اسقط خالص تعرفي
تزغردي
حركت عايده بنعم لتقول نيره
يلا كده ارقعي زغروده محترمه بسبب نجاحي
